10月8日，我哋香港苗齒協會去到觀塘秀茂坪寶達邨達翠樓地下嘅 基督教家庭服務中心，聯同 關護長者協會 為一眾老友記舉辦口腔健康講座同牙科義診活動！當日吸引咗 35 位老友記前來參與，現場氣氛融洽又熱烈！

特別多謝當日辛苦付出嘅 2 位義工醫生以及 DSA 夥伴！💪

喺講座環節，醫生深入淺出咁講解蛀牙同牙周病嘅病徵、正確刷牙方法同日常護齒須知。現場街坊都聽得非常專心，獲益良多！

隨後的義診環節，醫生團隊細心為每一位老友記進行免費口腔檢查，並解答大家對牙齒健康嘅疑問，協助老友記了解個人牙齒狀況同保健技巧。

特別感謝合辦機構 關護長者協會（特別是社區健康服務護士團隊）以及 基督教家庭服務中心 的全力協助與支持！未來我哋會繼續走訪更多社區，將口腔健康與關懷帶給更多街坊，守護大家嘅健康笑容！🌱