📢 【小麥田 X 香港苗齒協會 義診活動！✨】

喺 9 月 16 日（星期三），好榮幸能與「香港青少年服務處小麥田」攜手合作，順利舉辦咗一場充滿溫心與關懷嘅社區義診活動！

「小麥田」一直致力為有緊急住宿照顧需要嘅幼兒，提供短期照顧服務，係社區入面好溫暖嘅避風港。今次我哋嘅專業團隊去到現場，為呢班可愛嘅小朋友進行仔細嘅牙科檢查，將最貼心嘅口腔健康關懷送畀大家！見到小朋友同工作人員帶著安心嘅笑容，我哋團隊都覺得非常有意義！🥰❤️

特別感謝「小麥田」嘅邀請與全力支持，以及現場每一位熱心協調嘅工作人員同義工！有你哋嘅幫忙，活動先可以咁暢順、咁圓滿。未來我哋會繼續走入更多社區，關心每一位街坊同小朋友嘅牙齒健康！✨