早前，我哋香港苗齒協會去到太子社區客廳舉辦咗一場溫馨暖心嘅長者盆菜宴！

特別感謝合辦機構 樂群社區服務處 – 太子社區客廳同樂群社區服務處家洛嘅全力協助及用心統籌安排！當日團隊下午 4 點就提早到場準備，準備好豐富嘅盆菜同苗齒專屬禮品包，歡迎一眾老友記於 5 點半陸續到場歡聚開席。

在開席前，趙醫生向現場老友記致以溫馨問候同分享護齒小貼士。隨後大家齊齊圍爐食盆菜、暢談歡笑，現場洋溢著濃濃嘅社區關懷與節慶氣氛！熱騰騰嘅盆菜唔單止暖胃，更暖透每一位老友記嘅心窩。

活動最後大家仲舉起可愛標心牌一齊歡樂大合照，為呢個美好的傍晚劃上圓滿句號。

感謝當日所有義工團隊同工作人員嘅辛勤付出，以及每位到場支持嘅老友記。未來我哋會繼續走訪更多社區，舉辦多元化嘅關懷活動，將健康與歡樂帶畀更多街坊！🌱✨